R E G I O N Ų    K U L T Ū R I N I Ų    I N I C I A T Y V Ų     C E N T R A S English      
Adresas: Vilniaus g. 22, LT01119 Vilnius.
Tel./faksas (8~5) 261 9670, mob. tel. 8 687 47550. El. paštas
zemaiciu@gmail.com
          
 
Į pradžią Laiškams Laiškai                 Atsakīmai į klausimus                      Paieška                 

Tradicijos ir papročiai

KUOKĖI BŪS UORAA?
(žemaitiu spiejėmā)

Buočiu išmintėis skrīnelė

Jē katė jied žuolė, būs dargana.
Jē varv lašėnē, būs lītaus.
Jē žėima šou vuoluojės ont snėiga, būs atlīdis.
Jē onkstėi parskrend pempės, būs gėrė matā.
Jē iš kamėna dūmā krimt žemīn, keisės pagada.

Papasakuojė JUONIKIENĖ STEFA iš Stanėskės kaima
Ožrašė JUONĖKAITE VIRGENĖJĖ
 

Jē skrozdės išlend iš skruzdielīna ir če pat, niekor neidamas, šėlduos saulie, būs audra.
Jē žėima priposta daug snėiga, vuo aplink vuobelis vis teik īr doubės, vasara būs daug lītaus.
Jē leidontėis saulė raudona, keta dėina būs viejouta.
Jē akmenīs rasuo, būs lītaus.

Papasakuojė KNIZINIENĖ PETRUONELĖ iš Gaulienu kaima.
Ožrašė JONAVIČIOS RIMS

Jē saulė rauduona i debesis leidas, būs bjauri dėina.
Jē žvėrblē žėima i longus pol, lauk šalčiu.
Jē varlie patomsie, gali laukte lītaus.
Jē joudvarnis i meška lek kvarkdama, būs lītaus.

Papasakuojė STANISLUOVAITĖ ADELE (45 metu)
Ožrašė MICIŪTĖ VIRGINĖJĖ

Velīku rīta jē pot šiaurės vieš, būs šaltė metā.
Jē pavasari pėrma karta perkuos grom pėitū pušie, būs šėlta vasara.

Papasakuojė KATARSKIENĖ BRUONE iš Loukės
Ožrašė POCEVIČIŪTĖ ZITA

Kuoks uors kuova pėrma dėina, tuoks, gal sakītė, ka būs vėsa pavasari.
Kuoks kuova ontra – tuoki būs vasara, vo kuoke kuova tretė – tuoks rodou.
Jē vabuolė lakstą pažemēs, lauk atšėlėma.
Jē vėštas vielā eit tūptė, lauk lītaus arba snėiga.

Papasakuojė ČIUTEIKIENĖ MARCIJUONA iš Rapaliu kaima
Ožrašė DUNGVECKYTĖ DALĖ

Jē varnas top miedžiu vėršūnies, uors atšals.
Jē pėrmo alīvų ir šermukšniu žīd ėivas, būs prastė metā.

Papasakuojė DUNGVECKIENĖ KAZE iš Rapaliū kaima

Jē šermokšnē tor daug ougu, būs driegnė metā.
Prīš lītu mėškė daug skrozdū.

Papasakuojė VIKTUORAVIČIUTĖ KAZĖ iš Rapaliu kaima
Ožrašė DUNGVECKYTE DALĖ

Jē unt žemės pešas žvėrblē, būs lītaus.

Papasakuojė VARGAUENĖ PETRUO NELĖ iš Loukės
Ožrašė BADAUSKS VYTAUTS

Jē vīturīs praded gėiduotė prīš šv. Kazimiera, būs šalts pavasaris.

Papasakuojė JUCIOS JUONS iš Batakėškės kaima
Ožrašė JUCIOS EUGENĖJOS

Jē nu kalėjės lapu bieg vondou, gali laukte lītaus.
Jē gondros stuov unt stuoga ar šėina kūgė, būs lītaus.
Jē gondros neš šakas, būs karšta, jē veliena, būs lītaus.

Papasakuojė JUONUŠIENĖ iš Žīlakiū kaima
Ožrašė GALINAUSKAITE

Pasakuojėmā užrašītė Telšiū rajuonė 1977 m. (Teksts paruošts pagal informacėjė, sauguoma Žemaitiu muziejaus „Alka“ muokslėnė arkīva bīluo Nr. 287)

 

[Į pradžią] [Laiškai] [Atsakīmai į klausimus] [Paieška] [Kalendorius] [Naujienos]  [Naudingos nuorodos]

© Regioninių kultūros iniciatīvų centras

Svetainės priežiūra: Multimedijos centras humanitarams Matematikos ir informatikos institute

Tinklalapis atnaujintas 2007.06.24