R E G I O N Ų    K U L T Ū R I N I Ų    I N I C I A T Y V Ų     C E N T R A S English      
Adresas: Vilniaus g. 22, LT-01119 Vilnius.
Tel./faksas (8~5) 261 9670, mob. tel. 8 687 47550. El. paštas
zemaiciu@gmail.com
          
 
Į pradžią Laiškams Laiškai                 Atsakymai į klausimus                      Paieška                 

Tradicijos ir papročiai

Patarėmā ūkininkams (žemaitėškā)

Lėnus siete rēk, kā parskrend mosėnoks.
Kā žousīs ir gervės išskrend, reek kastė bolvės ir raute buruokus.
Kā pempės išskrend, pjaunam avėžas.

Papasakuojė R. BUKNIENĖ. Ožrašė V. SKIOTYTE

Šėinapjūtė geriausē pradietė prīš smėlgu žīdiejėma.
Žemė pradedam judintė prīš pradedont spruogtė medems.
Pavasarė siejė prasided, kā sogrīžt perietė kuovā.
Bolvės kasam išskrendont paskotėnems paukštėms.

Papasakuojė DAROŠKEVIČIOS iš Dirvuonienu
Ožrašė ŠIMKOS ARUNS

Kā žīd klevā, laiks siete pupas. Cėbolės dėik nusileidos saulē.

Papasakuojė JUONUŠIENĖ iš Žīlakiū kaima
Ožrašė GALINAUSKAITE

Bolvės siek uobelims žīdont.
Jē nuori, ka bolvės būtom skanesnės, siek anas potont šiaurės viejou.
Papjuovē kiaulė, sok anuos galva i pėitus – mēsa būs minkštesnė.
Mėižius rēk siete, kā īr unt dilgīnių rasa – būs geriesnis dorlios.

Papasakuojė JUCIOS JUONS iš Batakėškės kaima
Ožrašė JUCIOS EUGENĖJOS

Bolvės siejem, kā alksnē spruogst.
Kā ėivas žīd, siejem mėižius ir bulvės
Vagorklus rēk siete, kā žīd alīvas (pliuorē).
Cėboiės dėigam per Stanisluova (gegožės 8 dėina).

Papasakuojė VARGELIENĖ PETRUONELĖ iš Loukės
ožrašė BADAUSKS VYTAUTS

Krienus gal kastė tol, kol neužkukoun gegužie.
Maudītėis upies, ežerus, vākščiuotė basuoms gal pradietė tik pu tuo, kā užkukoun gegužie.
Jē kiaulė pjauni i jauna mienesi, kirmie mēsa.

Papasakuojė KATARSKIENE BRUONE iš Loukės
Ožrašė POCEVIČIUTĖ ZITA

I jauna mienesi siete avėžas nagai – gera derliaus nebus.
Česnakus, rėdėkus, bolvės, avėžas rēk siete i pėlnėjė, tumet būs gers derlios.
Cėbolės dėigtė rēk kā nieks namata – tumet būs dėdiesnis derlios.
Jē cėbolės dėigsem delčiuo, galvū nabūs.
Vaistažuolės rēk rinktė pėlnėjuo.
Ougas verk mienesė pabaiguo – mažiau rūgs.

Papasakuojė STAŠIMAITĖ ADELĖ 55 metu omžiaus
Ožrašė MICIUTĖ VIRGĖNĖJĖ

Pasakuojėmā užrašītė Telšiū rajuonė 1977 m. (Teksts paruošts pagal informacėjė, sauguoma Žemaitiu muziejaus „Alka“ muokslėnė arkīva bīluo Nr. 287)

 

 
[Į pradžią] [Laiškai] [Atsakymai į klausimus] [Paieška] [Kalendorius] [Naujienos]  [Naudingos nuorodos]

© Regioninių kultūros iniciatyvų centras

Svetainės priežiūra: Multimedijos centras humanitarams Matematikos ir informatikos institute

Tinklalapis atnaujintas 2007.06.24